Tea i është përgjigjur përmes një videoje në Youtube, pyetjeve per te cilat te gjithe jane kuriozë së fundmi. Tea ka treguar se ditët e fundit nuk kanë qenë të lehta për të për shkak të ofendimeve që ka marrë.
“Këto ditët e fundit nuk kanë qenë aq të lehta, sepse të kthehet një shqiptari e tërë kundër të të shajë të të ofendojë të të urojë vdekjen nuk është aq e lehtë sado person i forte të jesh është e vështirë të kapërdihet, por ja që kaloi. Thonë që çudia më e madhe 3 ditë zgjat, por kjo e imja zgjati më shumë. E rëndësishme është që kam pasur mbështetje nga njerëzit e mi të afërt dhe kam kaluar gjëra më të vështira se kjo dhe mbetet në të shkuarën dhe ne ecim përpara”, shprehet Tea.
Tea u shpreh shumë e zhgënjyer nga intervista e Andit në “Roped With Olsi”.
“E zhgënjyer. U zhgënjeva nga ajo intervistë, sepse Andi bëri sikur ishte i lënduar dhe nuk ka qenë në dijeni të kësaj situate. Kur në fakt ka qenë në dijeni të kësaj situate që nga fillimi”, thotë Tea.