Kryeministri Edi Rama gjatë një interviste televizive, hodhi idenë e një rihetimi nga drejtësia e re e “21 janarit” dhe për këtë ish-kryeministri Sali Berisha shprehet se është 100% dakord.
“Jam dakord 100% të rihetim të çdo procesi, 21 janari nuk është hetuar si duhet për shkak të Edi Ramës, për të mbrojtur Edi Ramën që është autori i vërtetë prapa asaj që ndodhi, i cili erdhi dhe rrethoi kryeministrinë me banda dhe banditë në një protestë më të dhunshme në historinë e vendit me qëllime të caktuara ndaj pushtetit.
Rama deklaratat i ka në TV kështu që ishte ky kontekst që bëri që Ina Rama dhe jo akuzat e mia ndaj Ina Ramës, të mos bëhej ndoshta siç thotë Strasburgu, hetimi i duhur, por ky proces në masën 80% është hetuar pasi Berisha ka ikur nga pushteti dhe është hetuar nga Ina Rama. Ajo është militante e verbër e PS, person me kredincialet më të ulëta dhe kur unë kërkoja një prokuror ndërkombëtar, ajo refuzonte dhe aty përfaqësuesi amerikan lexoni ça tha për Ina Ramën, keqardhja ime e vetme është që në atë vendi”, tha Berisha.