Gazetari Artan Hoxha ishte i ftuar sot në mbrëmje në “ABC News”, ku u diskutua për Kuvendin e 11 dhjetorit.
Duke folur për çështjen ‘non grata’, Hoxha tha se Berisha nuk është as i pari dhe as i fundit. Ai listoi dhe emrat e disa zyrtarëve të tjerë të lartë, si ish-kryeprokurori Llalla, Dako apo Tom Doshi.
I pyetur se kush mendon se do të fitojë nga beteja Basha-Berisha, Hoxha tha se është pro liderit historik, pasi është një figurë me të cilin ia vlen dhe të konfrontohesh.
“Ne kemi 18 qytetarë janë të shpallur non-grata. Ish- Kryeprokurorin e Përgjithshëm, ish kryebashkiakun Dako, një deputet dhe biznesmen, Tom Doshin, I cili po ashtu konkurroj në zgjedhje, I katërti është një ish president, ish kryeministër.
Nuk kemi Berishën të parin dhe të fundit, kemi ca të tjerë para tij të shpallur non grata.
Janë prerë ca degë të pemës pastaj kanë vajt tek Berisha.
Unë ngaqë është data 11 afër dhe nuk duhet të përfshihem në këtë pjesë, por nëse më pyet Basha apo Berisha, unë dua të fitoj Berisha, sepse më pëlqen të bësh betejë me dikë që ja vlen të konfrontohesh, të përballesh. Ai të bën të motivon të bësh betejë”, tha Hoxha.