Këtë të shtunë, përtej nisjes së sezonit turistik në Seman do të ketë edhe një “përballje” në Fier mes drejtuesit politik të Partisë Socialiste, Taulant Balla dhe ish-kryeministrit Berisha.
Nga njëra anë, Balla do të jetë në një koncert festiv, i cili do të mbahet në sheshin qëndror të qytetit, kurse Berisha do të zhvillojë një takim me demokratët e Fierit në sallën e Teatrit “Bylis”.
Ndërkohë, Balla ka qenë gjatë gjithë ditës së sotme në Fier, ku fillimisht ka zhvilluar një takim në selinë e Partisë Socialiste, ndërsa më pas mori pjesë në ceremoninë e çeljes së sezonit turistik së bashku me kreun e bashkisë së Fierit, deputetë e qytetarë të shumtë.
Sakaq, pritet që kjo ditë për Ballën pritet të mbyllet me një “miting” në sheshin kryesorë të qytetit, ku do të ketë të ftuar edhe shumë këngëtarë të njohur të skenës shqiptare dhe pritet të ketë një pjesëmarrje masive të qytetarëve fierakë.