Ish-kryeminsitri Sali Berisha ka dhënë një intervistë për median kosovare “RTK Prime”me gazetarin Bashkim Vishaj.
Berisha edhe një herë ka folur për thyerjen e embargos së naftës ndaj Serbisë kur ishte në luftë me Kosovën.
Ai tha se e ka thyer embargon me Serbinë në atë kohë sepse penalizonte 100% Kosovën.
“Sa i përket kësaj e vërteta është që qeveria shqiptare, ishte e vërtetë që kërkonte heqjen e embargos sepse penalizonte 100% Kosovën dhe aspak Beogradin. Sepse naftën e kontrollonte Beogradi. Unë kërkoja heqjen e embargos vetëm për Kosovën. Raporti i OKB tregon se e merrte Serbia naftën nga Danubi dhe jo nga ne.
Nëse embargo quhet transportimi i naftës me mushka dhe gomarë. Kjo është një sllogan i Enveristëve, përkundrazi. Çfarë ka bërë Berisha për luftën u ka dhënë falas Bosnje dhe Kroacisë dhe ngarkesa të tëra me barut dhe murtaja me mijëra dhe mijëra predha për luftën e Serbisë.
Edhe këto ishin embargo për këto shkeleshin jo vetëm nga Shqipëria. Nuk kamë qenë për embargon që e vuante populli i Kosovës. Unë kam zbatuar ligjin ndërkombëtar, nuk kam urdhëruar unë që të gjuhet mbi ata që transportonin një bidon naftë”, tha Berisha ndër të tjera.