Shkarkimin e Gledis Nanos nga posti i drejtorit të Përgjithshëm të Policisë së Shtetit, Sali Berisha e lidhet me aferat e kryeministrit Edi Rama.
“Nuk kam ndonjë respekt për Gledis Nanon, sepse ai u zgjodh mbi kritere politike, por largimi i tij ishte politik, se u shkeli në kallo. Thuhet se largimi i tij ka lidhje me kontejnerin që u la pesë javë në port, derisa u grabit e gjithë kokaina. Kjo e tërboi Edi Ramën.
Thuhet se ky takoi Jetmir Ladën, i cili ndër të tjera i tha se Ardi Veliu paguhej 30 mijë euro në muaj nga Ervis Martinaj. E sigurt është që fillimi është brenda familjes Rama.
Atë nuk mund ta hiqte asnjë njeri tjetër përveç kryeministrit. Ministri nuk e heq dot. Kështu që, ky u hoq për afera të Edi Ramës”, tha kreu i Partisë Demokratike në konferencën me gazetarët këtë të premte në selinë blu.