Berisha kërkon të dalë nga izolimi në banesë, seanca e radhës në 4 mars

Seanca e radhës për ish-kryeministrin Sali Berisha, i cili kërkon ndryshim të masës së sigurisë, do të mbahet në 4 mars. Që prej 30 dhjetorit 2023, Berisha ndodhet në ”arrest shtëpie”, pasi është i dyshuar për korrupsion në çështjen e privatizimit të ish-kompleksit sportiv Partizani. Për herë të parë, ish-kryeministri u paraqit në SPAK më 23 janar ku dhe iu përgjigj prokurorëve mbi dosjen Partizani. Mbrojtja gjithashtu këmbëngul për përjashtimin e gjyqtares Irena Gjoka, me arsyetimin se është në konflikt interesi me ish-kryeministrin.