Ndonëse ish-kryeministri Sali Berisha nuk ndodhet në protestën që Partia e Lirisë po zhvillon aktualisht në landfillin e Sharrës, eksponentë të Partisë Demokratike shihen krah kreut të kësaj force, Ilir Meta. Të pranishëm në protestë janë Klevis Balliu, Edmond Spaho, si dhe Ervin Salianji.
Në një prononcim për mediat, Meta tha se çdo qytetar është një zë i fuqishëm për të thënë të vërtetën dhe për t’i thënë SPAK-ut që të ndalë drejtësinë me regji.
“Unë sapo kam ardhur. Çdo qytetar që ka ardhur është një zë i fuqishëm për t’i thënë SPAK-ut dhe të gjithëve boll më me drejtësi me regji. Boll burgosët fukarenjtë pse nuk paguajnë faturat e dritave. Ja ku e keni monumentin e korrupsionit”, tha Meta.