Ish-kryeministri Sali Berisha ishte sot në Lushnje ku ka prezantuar në një takim me të rinjtë kandidatin e tij, Elton Bano. Edhe këtë herë kryefjala e Berishës ishte Lulzim Basha, të cilin e akuzon se ka marrë logon e PD peng me ndihmë të Edi Ramës.
Ish-kryeministri bëri thirrje që të qartësohen qytetarët të mos ngatërrohen me qëllim që votat të shkojnë për koalicionin “Shtëpia e Lirisë”.
“Edi Rama ka rrëmbyer logon e PD dhe ia ka dhuruar pengut të tij për të mashtruar zgjedhësit, për të keq orientuar zgjedhësit. Shpjegojani çdo qytetari, se vota për ndryshimin është vota te Shtëpia e Lirisë. Çdo votë tjetër në logon e rrëmbyer është votë e humbur. Bëni gjithçka të bashkohemi të gjithë si demokratë. Asgjë nuk i lidh demokratët e Lushnjes me një njeri që është në dy hetim të forta në lidhje me krimin. Unë e kam mbështetur atë si askush tjetër, por ai rastisi arrë me vrimë, i prishur.
Unë isha sot në Sukth dhe u ngrit një dhe më tha që kushëriri më tha do votoj për Lul bravën. Unë i thashë ta bindësh kushëririn se ai e çoi partinë nga humbja në humbje. Do bëni gjithçka që asnjë votë e zgjedhësve tanë të mos shkojë drejt logos së rrëmbyer”, tha Berisha.