Ish-kryeministri Sali Berisha ka dalë nga shtëpia e tij, për të shkuar drejt “Bar Amerikës”, ku do të hedhë voton për shkarkimin e Lulzim Bashës. Berisha dha detaje dhe nga protesta që do të mbahet ditën e hënë, ku tha se ajo do të nisë në orën 16:00 të pasdites, kundër vizitës së Aleksandër Vuçiç në Tiranë.
“Një ditë historike për lirinë në PD, për pluralizmin politik dhe për mbarë shoqerinë shqiptare. Për herë të parë në histori është anëtarësia ajo që vendos sot, për shkarkimin e Lulzim Bravës nga ajo detyrë që dëshmoi se nuk e ka merituar ndonjëherë. Ky është një kapitull i ri në rrugën e rithemelimit të PD-së dhe pluralizmit në Shqipëri. E patë ju kreun e meduzës mbrëmë, se si përpiqej që të tjetërsohej në çdo gjë tjetër nga ai që është.
Unë u jap fjalën se të dy do të kenë të njëjtin fat. Ditën e hënë në orën 4, të gjithë demokratët në protestën e madhe në mbrojtje të interesit kombëtar, dhe kundër vjedhjes së tmerrshme të 420 milionë eurove, që kërkon kreu i Meduzës me SPAKun e tij ti fshehë në një vjedhje 3 milionë euro. Unë i mbledh në cilësinë e sovranit.
Sot kemi një protestë të shoqatës Brava-Bardhi. Shqiptarët e dinë vetë zgjedhjen e tyre.