Ish kryeministri Sali Berisha shprehet se grupi për Rithemelimin e PD-së vlerëson punën dhe kontributin e kryetares së Bashkisë Shkodër Voltana Ademi dhe e mbështet atë si kandidate në zgjedhjet e reja lokale që pritet të mbahen së shpejti.
“Zgjedhjet e pjesshme lokale? Kurdo të dekretohen do të marrim pjesë. Nuk bojkoton zgjedhje PD. Kandidatët e PD janë kandidatët tanë, jo ata që cakton Rama.
Jemi në komunikim e sipër. I ftojmë të gjithë aleatët e PD.
Kandidatët do të zgjidhen me primare. Voltana Ademi? Mendoj që znj. Ademi ka të drejtë të kandidojë sërish. Se kush do jenë kandidatët e caktojnë primaret. Për vlerësimin tim, Ademi plotëson kushtet”, shprehet Berisha.