Ish-kryeministri Sali Berisha ka reaguar pasi Holanda dorëzoi zyrtarisht në Komisionin Europian projekt-rezolutën e miratuar pak kohë më parë në parlament, për rikthimin e vizave për shqiptarët.
Në një postim në Facebook, Berisha e cilëson këtë vendim si kartonin e kuq të bllokimit të hapjes së negociatave me BE-në.
Ish-kryeministri ka kujtuar edhe deklaratën e deputetit të CDU-CSU Johann David Ëadephul, I cili pretendon se Shqipëria nuk ka plotësuar asnjë kusht të vendosur nga ministrat e jashtëm të BE-së, më 26 qershor 2018.
Reagimi i plotë i Berishës:
Nje goditje tejet e rende, qe munde te mbylle dyert per vite per hapjen e negociatave!
Miq, vetem dy dite pasi Komisioni Europian i rekomandoi vendeve anetare hapjen e negociatave me Shqiperine, sepse sipas Komisionit Shqiperia i ka plotesuar kushtet, Mbreteria e Hollandes hedh poshte kete pretendim. Ne nje akt qe nuk ka ndodhur kurre me pare, Qeveria e Mbreterise se Hollandes dorezoi dje ne Komisionin Europian kerkesen zyrtare per rivendosjen e vizave per qytetaret e Shqiperise sepse ky vend jo qe nuk ka plotesuar kushtet por perkundrazi ka shenuar perkeqesim te ndjeshem dramatik.
Keshtu, ne 48 oret e para pas rekomandimit te Komisionit Europian per hapjen e negociatave me Shqiperine, dy vende kryesore themeluese te BE hedhin poshte kete rekomandim dhe nxjerrin kartonin e kuq te bllokimit te hapjes se negociatave me vendin tone.
Dje grupi parlamentar i CDU/CSU deklaroi se Shqiperia nuk ka plotesuar asnje nga kushtet per hapjen e negociatve me BE kurse sot qeveria e Mbreterise se Hollandes shkon edhe me tej, dorezon kerkesen per rivendosjen e vizave me qytetaret shqiptar.
Keto qendrime deshmojne ne menyre perfundimtare se me Edvin Kristaq Krimin dhe narkoshtetin e tij nuk ekziston absolutisht asnje mundesi per hapjen e negociatave me BE. Keto qendrime jane nje apel per çdo shqiptar te çlirohemi sa me pare nga narkoshteti i Edvin Kristaq Krimit dhe te shpetojme te ardhmen tone europiane.
Ketu me poshte keni nje artikull per kete lajm te zi. sb
Hollanda dorëzon zyrtarisht në Bruksel kërkesën: Vendosni vizat për shqiptarët
Pak kohë më parë ka qenë Parlamenti hollandez ai që ka miratuar projektin për rivendosjen e sistemit të vizave me Shqipërinë.
Deputetët Holandezë votuan për rikthimin e vizave për Shqipërinë. Pesë partitë politike në Holandë, VVD, CDA, PVV, SP, CU kanë bërë bashkë 105 deputetë, nga 150 duke votuar me shumicë votash kërkesën për heqjen e vizave për Shqipërinë.
“Pas diskutimeve të shumta, duke vënë në dukje se: ka pasur një rritje të ndjeshme të aktiviteteve kriminale nga mafia shqiptare në Holandë; ndërsa këto organizata kriminale keqpërdorin mundësinë për të udhëtuar pa viza përmes Evropës dhe të zgjerojnë më tej rrjetin e kontrabandës, i kërkojmë qeverisë të paraqesë kërkesën në Komisionin Evropian për të filluar procedurën e frenimit emergjent të lëvizjes pa viza për Shqipërinë”, ishte vendimi që mori Parlamentit holandez.
Dhe sot Hollanda kërkoi me shkrim që Komisionit Europian të konsiderojë pezullomin e vizave për shtetasit shqiptarë.
Në një letër dërguar komisionerit të BE Dimitris Avramopoulos, Holanda kërkon që të pezullohet lëvizja e lirë e shqiptarëve drejt shtetit të tyre.