Sali Berisha refuzon të shkojë në GJKKO dy herë në muaj, për masën detyrim paraqitjeje që i është vendosur për çështjen e aferës së privatizimit të “Partizanit”. Avokati Spartak Ngjela thotë për Report Tv se nëse Berisha refuzon të shkojë, SPAK mund ta shoqërojë edhe me forcë.
Në emision “Pa Protokoll” avokati Ngjela thotë se proçedurat që po ndjek Berisha janë të gabuara.
“Proçedurat janë të gabuara. Proçeduralisht vetë e kanë bërë ligjin. Ia hoqën të drejtën imunitetit, ja kanë lënë parlamentarit vetëm në arrest. Kur i bien në kokë. Fakti që nuk është arrestuar nuk është e rëndë, është vetëm në proçes. Të paraqitet. SPAK e kanë ndërtuar vetë të tërë këta. Njeriu nën akuzë nuk është shumë i qetë, ka shqetësim psikik. Nëse s’do paraqitet ata mund ta marrin edhe forcërisht. Unë them se cilat janë momentet ligjore, do i bëjë apo jo SPAK nuk e di”, tha Ngjela për Report Tv.