Shpallja “non grata” e Sali Berishës nga SHBA ka sjellë reagime të shumta në politikën shqiptare dhe jo vetëm. Ky vendim është komentuar edhe nga ish ambasadori i SHBA-së në vendin tonë Aleksandër Arvizu, i cili tha shkurt se ky vendim është një bombë për politikën shqiptare. Aleksandër Arvizu ka shërbyer si ambasador në vendin tonë në vitet 2010 dhe 2014.
“Vendimi ishte një bombë për politikën shqiptare”, tha Arvizu shkurtimisht për MCN
Në reagimin zyrtar DASH-i deklaroi se Berisha, në cilësinë e Kryeministrit të Shqipërisë, ka qenë i përfshirë në “veprime korruptive, të tilla si shpërdorim i fondeve publike dhe ndërhyrje në proceset publike, duke përfshirë përdorimin e pushtetit të tij për përfitimet e tij dhe për të pasuruar aleatët e tij politikë dhe anëtarët e familjes së tij”. Ndërkohë nga ana tjetër Berisha i është përgjigjur edhe dje kësaj deklarate nga Blinken duke theksuar se në 30 vite karrierë në politikë nuk ishte akuzuar asnjëherë për korrupsion, ndërsa tha se SHBA të bëjë publike faktet