Në mbledhjen me grupin e tij, Sali Berisha ka ”sulmuar” kryeministrin Edi Rama sa i takon kontrollit të pasurisë për pedagogët. Berisha tha se Rama nuk ka fytyrë që t’u kërkojë Vetting pedagogëve, pasi ai vetë nuk ka justifikuar asnjëherë pasurinë e tij.
”Kush është ky që u tregon Vetting-un këtyre? Ai është kreu i një organizate më kriminale në Europë, që thotë se firmos qindra milionë dollarë, në një kohë kur entet e specializuara të shtetit i thonë se nuk mund të firmosen, se janë në kundërshtim flagrant me ligjin. Por ligji i xhepit prevalon mbi çdo ligj.
Ka fytyrë të kërkojë Vetting të pedagogëve ky që parkun rreth shtëpie e kam blerë me 2 dollarë. A u kujtohet ju pse e kanë akuzuar Adriatik Llallën? Sepse ka bërë rivlerësimin e pasurisë sipas ligjit. Kurse ky e ka parkun në zonë të ndaluar, të mbrojtur. Ky që u kërkon Vetingun dhe ua përmend vetingun si hanxhar. Ky ka një saraj dhe flet për pastërti figure”.