Shumë prej nesh besojnë në rituale ose supersticione të trashëguara apo të dëgjuara për ta pritur Vitin e Ri sa më mbarë. Në vende të ndryshme të botës, Viti i Ri pritet me rituale të ndryshme, në mënyrë që të jetë më i suksesshëm.
Italianët kanë shumë rite dhe janë shumë supersticiozë. Ata kanë thjerrëzat për natën e Vitit të Ri. Kjo vjen nga antikiteti romak. Ata dhuronin disa qeska të vogla me thjerrëza me shpresën se do të shndërroheshin në monedha sepse forma e tyre është e ngjashme. Italianët dalin gjithnjë me monedha në xhep sepse mendohet se ato shumëfishohen. Sipas supersticionit nëse atyre iu kërkon hua natën e Vitit të Ri, të japin.
Në Spanjë njerëzit konsumojnë 12 kokrra rrush në natën e ndërrimit të viteve sepse përkojnë me këmbanat. Rrushi tregon edhe bollëk për ta.
Në Filipine njerëzit mbushin tavolinën me fruta të rrumbullakëta sepse kjo formë ngjan me monedha. Ata po ashtu shkëmbejnë monedha për të ardhura më të mira.
Në Brazil njerëzit vishen me të bardha. Ata po ashtu kanë edhe kapërcimin e 7 dallgëve që janë 7 ditët e javës së çdo viti për të ecur mbarë.
Në Angli njerëzit formojnë një rreth me qirinj të kuq dhe hidhen në mes pa i fikur ato.
Në Rumani njerëzit mundohen të lexojnë lëvoret e qepëve për të treguar fatin.
Edhe në Shqipëri të tilla supersticione kanë ekzistuar gjithnjë. Një traditë është ngrënia e 12 kokrrave shegë në momentin e ndërrimit të viteve. 12 kokrrat simbolizojnë 12 muajt e vitit dhe me konsumimin e çdo njërës, duhet shprehur një dëshirë. Dëshirat e menduara mendohet se plotësohen për muajin të cilat i shpreh. E mbajtja e peshkut në frigorifer apo në tavolinë në momentin e ndërrimit të viteve është një shenjë prosperiteti. Sipas gojëdhënave, nëse një shtëpi ka peshk në momentin e ndërrimit të viteve, do të ketë më shumë para.