Kreu i shtetit Ilir Meta ka marrë pjesë në aktivitetin e përvitshëm që paralajmëroi dimrin e fundit të pushtuesve gjermanë.
Beteja e Tendës së Qypit 75 vite më parë u zhvillua nga 20-26 janar 1944, ku mbetën të vrarë 17 partizanë të Birgadës së Parë Sulmuese që tashmë janë dëshmor të Atdheut, të drejtuar nga Zylyftar Veleshnja.
“Gjaku i derdhur për çlirimin e Atdheut, jo vetëm nderoi dhe lartësoi Shqipërinë në koalicionin botëror anti-fashist, por na shpëtoi nga copëtimi dhe mosekzistenca. Ndaj sakrifica sublime dhe vepra e ndritur e heronjve dhe dëshmorëve tanë, meriton përulje e nderim nga të gjithë ne, pasi shkëlqen edhe sot duke na ndriçuar rrugën për të ardhmen europiane”, shkruan Meta në Facebook.