Më herët, presidenti amerikan Joe Biden foli nga Polonia dhe bëri një koment mbi presidentin rus Vladimir Putin duke e quajtur këtë të fundit një kasap. Pas kësaj, ka ardhur menjëherë një reagim nga Kremlini ku thotë se të tilla deklarata reduktojnë mundësitë për negociata dhe qetësimin e situatës.
Sipas agjencise së lajmeve “Tass”, ndërsa i përgjigjej komenteve të bëra nga presidenti amerikan në Poloni, Kremlini theksoi se deklarata të kësaj natyre zbehin çdo mundësi për të rregulluar marrëdhëniet mes dy vendeve.
Ndërkohë, kujtojmë se këtë të shtunë, pasi vizitoi refugjatët ukrainas në Poloni, që Presidenti i Shteteve të Bashkuara të Amerikës, Joe Biden e cilësoi Presidentin rus, Vladimir Putin një “kasap”. Këto deklarata, Biden i bëri teksa ndodhej në Varshavë dhe pyetej nga gazetarët se çfarë i vinte në mend teksa shihte ukrainasit që kanë lënë shtëpitë e tyre pas nisjes së pushtimit nga Rusia.