Gjatë këtyre ditëve në shtëpinë më të famshme në Shqipëri ka ngjarje të çuditshme, zhurma, persona të maskuar, por nga ana tjetër banorët nuk duhet të reagojnë fare.
Mirëpo, përveç personave të maskuar në “BBV” është futur dhe Arbana Osmani. Fillimisht momentin epik e ka ndarë mikja e saj më e mirë, Xhemi Shehu, ku vihet re si Arbana ecën në dhomën e ndjenjes teksa konsumon ushqimin e banorëve.
Krahas videos, Xhemi ka shkruar me humor:
Mirë që s’i flet, por i ha dhe bukën.
Sigurisht banorët nuk kanë mundur që t’i flasin dhe të komunikojnë me të.
Në momentin që Arbana ka hyrë në shtëpi, në kuzhinë ka qenë Iliri dhe Kledi, të cilët nuk kanë reaguar aspak teksa moderatorja ka qenë prezente, madje iu është afruar duke u marrë për disa momente me enët e kuzhinës.
Duket se Arbana nuk e ka ndërmend që ta lërë me kaq pasi po bën plane që të futet sërish në shtëpi, por kësaj radhe me një mision krejtësisht tjetër, jo për të ngrënë nga ushqimi i tyre, por për të gatuar për banorët.
“Nëse ndodh ndonjëherë që të hyj e të gatuaj për ta, çfarë do të donit të gatuaja?”, duke i lënë ndjekësve të zgjedhin ëmbëlsirën.
Akoma nuk dihet nëse moderatorja po e planifikon me të vërtetë një gjë të tillë apo jo, megjithatë na mbetet të presim për të parë si do të rrjedhin ngjarjet në shtëpinë më të famshme në Shqipëri.