Në “Big Brother VIP”, aktualisht janë prezantuar 14 personazhe, banorë të shtëpisë më të famshme në Shqipëri, por prezantuesja, Arbana Osmani ka theksuar se do të ketë hyrje të reja më vonë, kur të nisin dhe eliminimet e para.
Njëra nga personazhet që përflitet në mediat rozë si banore e ardhshme, është edhe Rozana Radi, madje vetë ajo ka ngritur dyshime me disa postime në Instastory. Këngëtarja ka bërë repost, disa story të një faqeje të hapur për “Big Brother VIP”, ku disa ndjekës kërkojnë që Rozi të bëhet pjesë e këtij reality-shoë.
Ajo nuk ka pohuar, e as ka mohuar, por ka vendosur vetëm disa emoji, duke mos e përjashtuar mundësinë, ndërsa më pas ka konfirmuar se ka marrë ftesë nga produksioni, duke shkruar edhe dy fjalë për formatin.
“Po, më është bërë ftesë nga produksioni që të jem pjesë e Big Brother VIP. Dua të them që më pëlqen shumë formati dhe përgëzoj autorët”, ka shkruar këngëtarja.
