Në një bilanc të fundit, teksa lufta ka hyrë në ditën e shtatë, Ministria e Mbrojtjes e Ukrainës njofton se Moska ka pësuar humbje të mëdha gjatë pushtimit ukrainas.
Përveç raportimeve se 5840 trupa ruse janë vrarë, autoritetet ukrainase kanë thënë se janë shkatërruar edhe 30 aeroplanë, 31 helikopterë, mbi 200 tanke, mbi 800 makina të armatosura patrulluese, 85 sisteme të artilerisë, mbi 350 makina dhe 40 pajisje MLRS për lansim të raketave, raporton “BBC”.
Forcat e armatosura ukrainase kanë thënë se të dhënat preliminare përfaqësojnë të gjitha humbjet e forcave ruse prej nisjes së pushtimit.