Kohët e fundit, hepatiti akut te fëmijët është kthyer në një shqetësim serioz për mjekët në mbarë botën. Ndërkohë, gjatë konferencës së sotme të Komitetit Teknik, Silva Bino u pyet lidhur me këtë virus në vendin tonë, për të cilin ajo tha se deri më tani nuk ka raste të zbuluara në vend.
“Për sa përket hepatitit kemi marrë njoftime të reja nga OBSH. Ne nuk kemi të dhëna ende në vendin tonë. Rastet më të shumta janë në SHBA për momentin. Është një situatë që po monitorohet në botë. Ne kemi ngritur alertin dhe po e monitorojmë situatën. Deri tani nuk ka asnjë të dhënë shqetësuese në vend për këtë virus”, tha Bino.