Deputetja demokrate, Grida Duma, pas daljes nga mbledhja e Grupit Parlamentar, dha sinjale për bashkimin e kësaj force politike.
Duma tha se fryma e bisedës ishte e paqtë dhe konstruktive nga të dyja palët, ndërsa nënvizoi se nuk do të flasë më si palë e një grupimi brenda PD-së.
Më tej, ajo zbuloi se në grupin e PD-së u shtrua si diskutim edhe çështja e primareve.
“Mendoj se ka shumë gjasa, unë nuk dua të flas më si palë, fryma e bisedës ka qenë krejtësisht e paqtë dhe konstruktive nga të dyja palët që kanë përfaqësuar këtë tryezë. Fryma me të cilën lashë mbledhjen është e sinqertë. Mënyra se si do të shkohet drejt këtyre primareve është duke u diskutuar në çdo moment. Fakti që kanë nisur diskutimet unë e quaj një lajm të mirë. Fryma është për të gjetur të gjitha elementët që mund të na çojnë drejt bashkimit”, tha Duma.