Sot, në ditën e 26-të të luftës, mediat e huaja bëjnë me dije se negociatorët ukrainas dhe ata rusë kanë zhvilluar një bisedë 90-minutëshe mes tyre. Kjo bisedë është realizuar përmes video-lidhjes dhe pritet që ekipet përkatëse të takohen nga afër gjatë ditës.
Lajmin e konfirmojnë autoritetet zyrtare ukrainase, të cilat pohojnë se gjatë ditës pritet një takim mes dy delegacioneve.
“Sot do të punojmë gjithë ditën”, u shpreh delegati ukrainas, njëheresh dhe ligjvënësi, David Arakhamia.