Bisedimet Greqi- Maqedoni, Kotzias: Kompromisin e arritëm përmes presionit të shqiptarëve

Ish-ministri i Punëve të Jashtme i Greqisë, Nikos Kotzias gjate nje interviste për News 24 /7 tregon bisedat e tij me Ali Ahmetin, telefonatën me ministren si dhe presionin ndaj Gruevskit përmes shqiptarëve.  “Kur u bëra Ministër i Jashtëm dhe shkova për herë të parë në Shkup në epokën e Gruevskit i cili nuk dëshironte marrëveshje, takova z. Zaev dhe udhëheqjen shqiptare. Gjeneralin e jashtëzakonshëm të shqiptarëve të Maqedonisë së Veriut dhe bashkëthemelues z. Ahmeti. Ditën tjetër më mori në telefon Ministrja, dhe më tha se po i bëj keq bisedimet sepse po takoj pjesëtarët e opozitës dhe se po përpiqem t’i bëj Gruevskit presion përmes shqiptarëve. Unë iu përgjigja se nuk i takon atyre se me cilin flas unë, se është zgjedhja ime se si do të krijoja zgjidhjen. Falë atyre marrëdhënieve të mira që ndërtuam para rreth 3.5 viteve, me z. Zaev në opozitë dhe faktorin shqiptar në Maqedoninë e Veriut, arritëm një kompromis të mirë dhe me një pozicionim të mirë të faktorit shqiptar “, foli Kotzias. /tirananews.al