Këshilli i Ministrave të Bjellorusisë ka miratuar së fundmi një listë ku renditen vendet e shpallura si jo mike. Ky vendim i qeverisë bjelloruse u publikua në Portalin Kombëtar Ligjor të Internetit.
Përveç vendeve të BE-së, në listë përfshihen edhe 12 shtete të tjera, të cilat janë: SHBA, Briania e Madhe, Australia, Kanadaja, Norvegjia, Zelanda e Re, Shqipëria, Islanda, Maqedonia e Veriut, Lihtenshtajni, Mali i Zi dhe Zvicra. Theksohet se vendimi në fjalë hyn në fuqi nga dita e publikimit zyrtar.
Ndërkohë, ditën e djeshme, më 7 prill, presidenti i Bjellorusisë, Aleksandër Lukashenko nënshkroi një dekret që synon “mbrojtjen e subjekteve ekonomike kombëtare nga debitimi i fondeve nga llogaritë e tyre me kërkesë të banorëve të shteteve të huaja që kryejnë veprime armiqësore kundër subjekteve juridike ose individëve bjellorusë”.