Në një lidhje në Skype për programin “Historia ime” ishte i ftuar moderatori i njohur i programeve të ndryshme televizive, Bledi Strakosha.
Ai u shpreh se këtë periudhë është kujdesur më shumë për shtëpinë dhe po njeh shtëpinë dhe gjërat që i kishte harruar rreth saj.
“Punët e shtëpisë nuk mbarojnë ndonjëherë, se më duhet dhe të laj dhe të shpëlaj. nuk është koha për të ftuar njeri, por përgjithësisht i bëj vetë nuk e kam problem. Jam bërë pak maniak, edhe nëse shoh një kokrrizë të vogël pluhuri, unë marr direkt leckën ta pastroj se është dhe kjo frika e higjienës që duhet të jetë maksimale. Por po e shijoj, po zbuloj ca gjëra në shtëpi, se e kam të vogël po shumë të ngarkuar dhe shumë gjëra i kisha harruar, nuk i kisha hedhur as sytë.”, i është përgjigjur a pyetjeve të gazetares Mirela Milori.