Nutricionistja e njohur Blerina Bombaj tha gjatë një interviste se njerëzit duhet të humbasin 3000 kalori në ditë, një reduktim ky i bërë në sajë të ushqimeve që konsumojnë si drithërat, frutat, bulmeti e duke hequr dorë nga ëmbëlsirat, ushqimet e gatshme apo ato të panevojshme.
Gjithashtu për sa i përket frutave duhet të jenë të stinës sepse nëse nuk janë të stinës, përmbajnë pesticide.
Në bisedë e sipër ajo bëri një thirrje kundrejt konsumatorëve që mos të presin vetëm nga politikbërësit, por të japin dhe vetë rekomandime për rregullimin e tregut.
“Do të mbetemi pa ngrënë në këtë vend nëse nuk vëmë mend dhe nuk mbështesim prodhimin vendas. Kur them do mbetemi pa ngrënë e kam me plot kuptimin e fjalës. Qumështi po mbaron, shqiptarët po largohen, fshatrat po braktisen dhe në fund do hamë çfarë na sjell importi. Kështu që të dashur konsumatorë, bëhuni patriotë. Mbështesni fermerët e vegjël dhe pakësoni importin”, tha ajo.