Bleu ”BMW”-në e vjedhur në Angli me qëllim që ta shiste për pjesë, Policia kap të riun në Tiranë

Një 36 vjeçar është arrestuar nga policia e Tiranës pasi bleu një makinë tip “BMW” e cila ishte vjedhur në Britaninë e Madhe. Në pranga ka rënë F.M i cili akuzohet se e ka blerë me shumën 9 mijë euro makinën e vjedhur me qëllim që ta shiste për pjesë këmbimi. Ndërkohë janë shpallur në kërkim T. L., 39 vjeç, banues në Kuçovë, dhe C. F., 41 vjeç, banues në Rumani të cilët e kanë trafikuar në Shqipëri automjetin e vjedhur. Makina tip “BMW” është sekuestruar nga policia ndërsa vijon puna për kapjen e personave të tjerë të përfshirë në këtë veprimtari kriminale.