“Mirë se vini në Shqipërinë moniste”, kjo është dhe përshëndetja që ish-kryeministri Sali Berisha i ka bërë Sekretarit Amerikan të Shtetit, Antony Blinken, i cili paraditen e kësaj të enjte shkeli në tokën shqiptare.
Në llogarinë e tij në “Facebook”, Berisha ka listuar të gjitha arritjet e Partisë Demokratike ndër vite duke theksuar më tej se në 33 vite pluralizëm, kjo është vizita e parë e një Sekretari Shtetit, që në agjendë ka vetëm takime me partinë në pushtet.
Sipas Berishës mos pranimi i Blinken për të takuar përfaqësuesit të opozitës ka ardhur për faj të mazhorancës, apo partisë shtet të Edi Ramës, ashtu si dhe ish-kryeministri i referohet.
“Partia Demokratike promotore kryesore e bashkëpunimit dhe miqësisë midis Shqipërisë dhe Shtetve të Bashkuara këto 33 vite, e cila futi zyrtarisht Shqiperinë në NATO, një dekadë e gjysëm më parë, lokomotivë kryesore e proceseve integruese të Shqipërise në BE mbetet e vendosur të mbeshtesë e pa lëkundur sikundër deri sot bashkëpunimin dhe miqësinë midis dy vendeve tona dhe çdo përpjekje në kuadrin e NATO-s, por edhe në rrafshin bilateral të SHBA në për paqen sigurinë në rajon, Europë dhe me gjerë.
Të dashur miq, vizita e sotme e Sekretarit Blinken është vizita e 6-të e një Sekretari të Shtetit në Shqipëri. Por kjo ëshzë e para vizitë e një sekretari shteti, pas 33 vite pluralizëm, që fatkeqësisht të paktën në protokoll ka takime vetëm me Partinë-shtet. Kjo për shkak të dhunimit masiv të votes nga qeveria, sot si kurrë ndonjëherë në historinë e vendit, 95% e të gjithë zyrtarëve të lartë të emëruar apo të zgjedhur i përkasin partisë shtet të Edi Rames”, shkruan Berisha, ku ndër të tjera ka folur edhe për shpalljen e tij “non-grata”, ku ka qënë pikërisht Sekretari Amerikan i Shtetit, Antony Blinken, i cili futi ish-kryeministrin në listën e zezë të Shteteve të Bashkuara të Amerikës.
Berisha shkruan se përgjegjës për shpalljen non-grata të tij është George Soros, i cili sipas tij bashkë me kryeministrin Edi Rama lobuan që ai të futej në listën e zezë të SHBA-ve, pa prova dhe pa fakte.
“Së dyti Edi Rama, aktualisht kryeministri më i korruptuar në Europë për të vënë në kontroll opozitën në një super Ëatergate të këtij shekulli korruptoi shefin e kunderzbulimit te FBI të Neë York, Charles McGonigal dhe i pagoi atij se paku 225 mije dollar per te manipuluar dosje kunder opozites shqiptare. Dokumentat deshmojnë se perveç McGonigal, Louis Bladel, Marko Rossini, Edi Rama dhe mentori i tij George Soros lobuan fort per shpalljen time nongrata, pa prova, per korrupsion domethenses, 8 vite pasi kisha dhënë dorëheqjen nga çdo funksion”, shkruan Berisha.