Blogerja e njohur ruse Mira Duma ka njoftuar gati 2 milionë ndjekësit e saj se ka humbur një familjar të sajin në Ukrainë dhe se për shkak të luftës e ka të pamundur që t`i japë lamtumirën e fundit. Ajo nuk tregon shumë detaje rreth familjarit që sapo ka humbur, por tregon se 3 bomba kanë rënë dje në Lviv, ku jetojnë prindërit e saj.
Dita 24
Një anëtare shumë e dashur e familjes tonë u nda nga jeta mbrëmjen e djeshme në një spital të Kievit. Dhe askush nga ne s`mund të jetë tani atje për t`i dhënë lamtumirën.
Shpirti i saj u prehtë në paqe.
3 bomba u hodhën mbi qytetin që jetojnë prindërit e mi, në Lviv, dy ditë më parë. Aty kemi kaluar ditët e lumtura të fëmijërisë. Të gjithë këta njerëz të pafajshëm, kërkojnë paqen sot. Dhe këto 24 ditët e fundit kanë ndryshuar përgjithmonë jetën tonë”, shkruan ajo në Instagram.
