Stafi i emisionit “Një kafe prej Shpisë” që transmetohet në RTV 21 pak ditë më parë ka udhëtuar drej vendit tonë për të xhiruar një program muzikor me Bojni Band në Burrel.
Stafi i këtij emisioni e shfrytëzoi këtë udhëtim edhe për të shijuar këtë vend të mrekulleshëm dhe për të folur më pas në emision për bukuritë e vendit tone dhe konkretisht për trevën e Matit. Gjatë rrugëtimit për në Burrel, veç të tjerash ata u impresionuan nga mikpritja e kryetarit të bashkisë Agron Malaj. Në një prononcim për “Një kafe prej Shpisë” përgjegjësja e Muzeut Historik Mat, Suzana Kurti tha: “Treva e Matit është një zonë atraktive, por pak e vizituar”. Po ashtu ajo shpjegoi vlerat kulturore dhe historike të Matit.
Prezantuesi i emsionit Visar Kalludra bisedoi, jo vetëm me qytetarë të Burrelit që ndoqën xhirimet e projektit, por edhe me pjestarë të Bojni Band që përbëhet nga këngëtarë dhe muzikantë që lëvrojnë muzikën e trevës së Matit, por edhe nga treva të tjera në Shqipëri.
Qëllimi i realizimit të këtij projekti dypalësh, sipas Kalludrës është njohja e popullit të Kosovës me burkuritë e natyrës, traditës dhe folklorit shqiptar dhe konkretisht të Matit.