Ambasadori i OSBE-së në Tiranë Bernd Borchadt ka zhvilluar një takim me partitë e vogla, pasi këto të fundit nënshkruan marrëveshjen për koalicionin opozitar.
Duke folur për mediat pas këtij takimi, ai foli dhe për shtyrjen e datës së zgjedhjeve. “Shtyrja e zgjedhjeve ka ndodhur dhe në 2007, dhe është një mundësi, por çfarë të mire do të sillte shtyrja? E sigurtë është që kemi datë zgjedhjesh dhe është data 30 qershor”, tha Bochardt. Ai inkurajoi partitë të gjejnë një zgjidhje për situatën politike.
Pas shefit të OSBE-së në Shqipëri, Fatmir Mediu tha se është e papranueshme që të ketë një proces fals, të ndërtuar mbi marrëdhënie klienteliste politike. “Ajo që i bëmë të qartë ambasdadorit është që nëse do të ecet në këtë rrugë thellohet e keqja. Nëse Rama ka shtyrë zgjedhjet lokale për një certifikatë, sot zgjedhjet nuk mund të bëhen të manipuluara”, tha Mediu.