Për orët në vijim, Shërbimi Meteorologjik parashikon që moti të mbetet relativisht i paqëndrueshëm.
Reshjet e borës do të mbeten prezente në zonat malore të jugut si dhe juglindje me intensitet të ulët dhe mesatar.
Reshjet e borës me intensitet të ulët do të fitojnë terren gradualisht duke prekur edhe relievet kodrinore-malore në zonën qëndrore dhe ato verilindore.
Paqëndrueshmëria do të mbetet prezente deri në orët e para të mëngjesit të ditës së nesërme.
Dita e nesërme do të ketë mot të qëndrueshëm kryesisht të kthjellët por edhe të acartë.
Ajo që duhet theksuar për nesër është një tjetër rënie e temperaturave më e ndjeshme në vlerat minimale.
Më konkretisht temperaturat në të dyja vlerat pritet të jenë:
Zonat malore -11°C deri në -2°C
Zonat e ulëta -8°C deri në 5°C
Zonat bregdetare -4°C deri në 7°C
Kryeqyteti -2°C deri në 5°C