Përfaqësuesi i lartë i BE-së për Politikën e Jashtme, Josep Borrell thotë se bota në 2022 u bë një vend më i keq për të jetuar për shkak të shkeljeve të të drejtave të njeriut, konflikteve dhe krizave në Ukrainë, Iran, Etiopi, Afganistan, Mianmar, Kinë dhe vende të tjera.
“Ndarjet gjeopolitike në rritje janë veçanërisht shqetësuese, sepse ato priren të japin përshtypjen e rreme se bota në tërësi nuk ka më një gjuhë të përbashkët. Por në fakt, ne e kemi. Ne duhet të kujtojmë atë që na bashkon, më shumë se tetë miliardë njerëz dhe 193 anëtarë të OKB-së. Dhe për këtë është mirë të kthehemi 75 vjet prapa”, thekson Borrell.
Ai pohon edhe se të drejtat e njeriut janë baza e marrëdhënieve të BE-së me pjesën tjetër të botës dhe se ato janë një prioritet kyç i politikës së jashtme të BE-së.