Nënkryetari i PD, Edi Paloka ka reaguar ashpër pas deklaratës së disa zyrtarëve se nuk ka manipulime shifrash të vdekjeve nga COVID.
Paloka thotë se PD nuk po merret me sulme personale ndaj mjekëve, dhe sipas tij është qeveria që po përdor disa emra për të manipuluar publikun.
Numri dy i PD gjithashtu ka dhënë një shembull si humbi dy njerëzit e dashur brenda pak ditëve.
“Brenda pak ditësh unë humba dy njerëz të dashur të rrethit tim familjar . Një prej tyre , ai i pedagoges Irena Bogdani, u bë publikisht i njohur , jo prej meje po për faktin që Irena ishte e njohur dhe e vlerësuar në profesionin e saj.
Irena ishte vajza e tezes time dhe humbi jetën në spitalin infektiv prej Covid-it .
Unë dhe një herë dua të falenderoj ata mjekë e personel mjekësor që u kujdesën për të deri në fund. I falenderoj dhe personalisht disa prej tyre që u impenjuan pavarësisht se nuk e kishin në ndjekje direkte. Po unë jam i bindur që asnjë prej atyre mjekëve që e ndoqën dhe e mjekuan për Covid, nuk e di që Irena nuk rezulton të ketë humbur jetën nga Covidi në asnjë dokument e komunikatë zyrtare. As në komunikatat e përditshme të ministrisë e as në shifrat zyrtare të qeverisë…E pra kur fshihet një rast i tillë, çfarë ndodh me qytetarët e tjeshtë?
Nuk po merrem me rastin e xhaxhait që u mjekua në shtëpi dhe humbi jetën po në shtepi, se jam i bindur që as nuk bëhet fjalë ta kenë shënuar në ndonjë dokument zyrtar”, shkruan Paloka.