Liderët e BE-së i kanë ofruar Britanisë së Madhe një zgjatje të periudhës së Brexit deri më 31 tetor. Vendimi vjen pas gjashtë orësh debate, me presidentin e Këshillit të Europës, Donald Tusk, që i bën thirrje Britanisë të shfrytëzojë sa më shumë kohën shtesë.
BE gjithashtu do të mbajë një samit simbolik në qershor, për të rishikuar bashkëpunimin britanik si anëtare e bllokut.Kryeministrja Theresa May thotë se Britania mund të tërhiqet më 22 maj, nëse Parlamenti miraton marrëveshjen e tërheqjes, e cila është refuzuar tre herë.