Bruno Shemsho është njëri nga konkurrentët më të pëlqyer në këtë sezon të “Për’puthen”. Ai është njëri prej djemve që ka zhvilluar më së shumti takime që nga java e parë, teksa së fundmi duket se është fokusuar më shumë te Alvisa. Shumë i pëlqyer është edhe nga ndjekësit e emisionit e kjo reflektohet edhe në rrjetet sociale ku është shumë i ndjekur.
Bruno është goxha aktiv në mediat sociale dhe ndan me ndjekësit e tij foto e videot të ndryshme. Së fundmi ai ka surprizuar me një foto të postuar në Instastory ku shihet krah Kidës. Konkurrenti dhe këngëtarja e njohur duken mjaft të afërt me njëri-tjetrin dhe nuk dihet pse janë takuar apo cili është raporti i tyre.
Kujtojmë se Bruno edhe më parë ka provuar ekranin duke marrë pjesë në videoklipe dhe emisione të ndryshme. Kjo ka bërë që ndjekësit të mendojnë se mund ta shohin në një nga videoklipet e radhës së Kidës. Megjithatë nuk përjashtohet mundësi që ata të jenë takuar rastësisht. Deri tani Bruno nuk ka shpjeguar asgjë, por mbetet për tu parë.