Portieri Buffon as që ka ndërmend të varë dorezat në gozhdë. Madje kërkon të shtyjë ditën kur do të largohet nga futbolli i luajtur.
E sigurt për këtë është gazeta torineze “TuttoSport”, e cila që në faqen e parë në numrin e martës zbulon dëshirën e 41-vjeçarit për të rinovuar edhe me një vit tjetër me “Zonjën e Vjetër”. Kontrata aktuale e portierit skadon verën e ardhshme, ndërsa Buffon kërkon të vazhdojë të paktën deri në vitin 2021. Nuk kanë asgjë kundër në klubin juventin, por nuk ka arsye se përse të shpejtohet.
Pavarësisht karrierës së shkëlqyer dhe asaj që ai kishte dhënë për Juventusin, portieri pranoi të ishte zgjedhje e dytë në skuadrën bardhezi.