Kryeministri i Maqedonisë së Veriut, Zoran Zaev, në një konferencë të përbashkët me kryeministrin e Shqipërisë Edi Rama, ka komentuar vendimin e BE për mos çeljen e negociatave me këto dy vende.

“Kam edhe një mesazh. Ata që më njohin e dinë që unë nuk heq dorë lehtë. Ata që nuk më njohin, le ta dinë që unë nuk do të heqi dorë. Do të shkoj edhe njëherë në Sofje, dhe sërish, sërish, sërish dhe të kërkoj zgjidhje. Ne do t’ja dalim të arrijmë këtë qëllim. Maqedonia e Veriut është Europë, Shqipëria është Europë, Ballkani është Europë”, tha Zaev.

Zoran Zaev: I dashur mik i imi, Edi Rama. Jam këtu me vëllanë dhe mikun tim Edi Rama. Sot Europa ka një problem. Ideja e madhe ka një problem, është vetë BE. Brukseli na porositi se BE nuk ia del që të sigurojë integrimin e merituar të Ballkanit. Ky është problemi, nuk ia dolën që ta pengojnë bllokadën e një vendi. Por ne nuk jemi të vetëm, nuk do të mbetemi të vetëm dhe as të izoluar. Koleg, shok, vëlla Edi Rama. Me shqiptarët e kemi vizionin e njëjtë dhe jo politikat e mureve dhe ndarjeve. Ne nuk ndalemi këtu. Në këtë rrugë janë edhe Serbia, Kosova dhe Mali i Zi. Ne jemi Europë! Me Ramën po paralajmërojmë se edhe më shumë do i afrojmë popujt tanë. Vlerat e BE janë në pikëpyetje.

PËRGJIGJU

Please enter your comment!
Please enter your name here