Një minator 58-vjeçar dyshohet se ka humbur jetën në minierën e Bulqizës. Informacionte e para bëjnë të ditur se është shkëputur një masiv shkëmbor brenda galerisë në Zonën D.
“Në minierën e Bulqizës në zonën D, duke punuar brenda në minierë dyshohet se është shembur një masiv shkëmbori dhe për pasojë ka humbur jetën një 58 vjeçar”, thuhet në njoftimin zyrtar të policisë së qarkut. Viktima është identifikuar si Allaman Allushi, nga Klosi.
Grupi hetimor ndodhet në vendngjarje, po kryen veprimet për dokumentimin e plotë të rrethanave të ngjarjes.