Burg pa afat për Zogun e Tiranës ka vendosur gjykata gati tre javë pas arrestimit të tij, më 24 nëntor. Kanë qenë transkriptet e pergjimeve që përputhen me faktet në terren dhe me arrestin në flagrance të përforcuar nga deklarimet e vajzës së arrestuar.
Ndërkaq mësohet se Hermes Nikaj është mbrojtur në sallën e gjyqit se nuk ka bërë asnjë gjë të keqe në jetë, madje ka shtuar se në momentin e ndalimit nga policia, ai dhe dy personat e tjerë që ndodheshin në dhomë, ishin të veshur me mbathje. Nikaj u mbrojt përpara gjyqtares Demiraj, se nuk ka shfrytëzuar asnjë vajzë në jetën e tij, duke thënë se marrëdhëniet seksuale kryheshin me dëshirën e kujdo. Avokati i Nikajt pohoi se tashmë ky vendim është apeluar në gjykatën e Apelit Tiranë, ku është kërkuar lirimi i Nikaj nga qelia. Sipas tij dhe vetë ai është viktimë e prostitucionit. Ndërkohë për pronaren e qendrës estetike, Anjeza Bena është dhënë masa arrest në shtëpi.