Kryeministri i Kosovës, Albin Kurti, dhe presidenti i Serbisë, Aleksandar Vuçiç, do të takohen sot në Bruksel. Këtë herë nuk do të ketë diskutime për menaxhimin e krizave, por një dinamikë të raporteve me palët që pritet të arrijnë pajtueshmëri për propozimin e BE-së, si një bazë për normalizimin e marrëdhënieve.
Para se të ulën në një tryezë, Kurti dhe Vuçiç do të zhvillojnë bisedime të ndara me përfaqësuesin e lartë të BE, Josef Borrell dhe të dërguarin e posaçëm për dialogun Miroslav Lajcak.
Burime të BE-së kanë thënë në prag të takimit, se presin që Kurti dhe Vuçiç të pranojnë propozimin pa diskutime të mëtejme, duke i hapur më pas rrugën procesit të normalizimit të raporteve, që duhet të përfundojë me një marrëveshje gjithëpërfshirëse. Pikë debati pritet të jetë vetëm një aneks për implementimin e pikave të plani 10 pikësh, një version përfundimtar të së cilit, Kosova dhe Serbia e morën gjatë muajit dhjetor.