Banorët e lagjes prapa Muzeut Historik nuk do të ankohen si më parë për gjendjen e rrugës.
Ajo jo vetëm është asfaltuar, por janë ndërtuar trotuare, është montuar ndriçimi si dhe është vendosur sinjalistika horizontale dhe vertikale.
Kryetari i Bashkisë Mat, Agron Malaj e bëri publik lajmin dhe garantoi se investimet në këtë qytet dhe gjithë territorin e kësaj bashkie nuk do të ndalen:
“Bashkia #Mat, prej disa ditësh ka përfunduar punën për asfaltimin e rrugës “Qamil Gjika” pas Muzeut Historik Mat. Po ashtu ka përfunduar puna dhe për vendosjen e trotuareve, ndriçuesve e të sinjalistikës horizontale dhe vertikale.”
