Tekniku burrelas Ditmar Bicaj ka nisur kontaktet me futbollistë vendas, të cilët ai mendon se do të mbajnë bluzën e Burrelit gjatë sezonit të ri.
“Dihet se futbollistët po ndjekin Europianin, ndaj dhe ne nuk i kemi bezdisur shumë. Kemi patur takime dhe biseda, telefonata me disa futbollistë, kryesisht nga klubet shqiptare. Shumë shpejt do të kemi detaje të reja rreth merkatos matjane”, sqaroi Bicaj.
Nuk ka ende informacion se cilët nga futbollistët e sezonit të fundit do të riluajnë me Burrelin.