Në qytetin verilindor të Burrelit pritet të ndërtohen tri ndërtesa 6 katëshe. Kryetari i Bashkisë Mat Agron Malaj tha se ka patur një takim me drejtorin e Përgjithëm të Entit Kombëtar të Banesave Stefan Çipa dhe se është rënë dakort të ndërtohen tri ndërtesa gjashtë-katëshe në lagjen “Partizani”, përballë ish SMT-së Mat.
Postimi i Malajt:
“Në Bashkinë Mat do ndërtohen 3 ndërtesa 6-katëshe të cilat do të kontribuojnë në zgjidhjen e problemeve të strehimit.
Drejtori i Përgjithshëm i Entit Kombëtar të Banesave Z.Stefan Çipa ka parë më nga afër sheshin ku mund të realizohet investimi si dhe ka diskutuar lidhur me detaje teknike ndërtimi.”
Prej 30 vitesh në qytetin e Burrelit nuk është ndërtuar asnjë pallat, ndërkohë që nevojat për shtëpi të reja banimi shtohen çdo ditë pas lëvizjes së banorëve të zonave rurale drejt qytetit.
