Krahas rikonstruksionit të Pallatit të Kulturës “Shefqet Doda” Burrel bashkia Mat ka menduar për promovimin e talenteve të reja në teknologji.
Ngritja e Qendrës së Inovacionit, në mjediset e këtij objekti, synon aftësimin e të rinjëve të kësaj bashkie në kodim, robotikë dhe dizajn 3D.
Lajmin e mirë të hapjes dhe funksionimit të kësaj qendre të rëndësishme e dha kryebashkiaku Agron Malaj nëpërmjet një postimi në rrjetet sociale:
“Qendra e Inovacionit në Bashkinë Mat është tashmë gati të hapë dyert për të gjithë të rinjtë e apasionuar pas teknologjisë.
Me një vizion të qartë për të promovuar talentet e reja në teknologji, Qendra e Inovacionit do jetë së shpejti një hapësirë ku të rinjtë do mund të shprehin aftësitë e tyre në kodim, robotikë dhe dizajn 3D.
Me një staf dhe ekspertizë për të ofruar trajnime dhe workshope të avancuara, do të nxisim zhvillimin e talenteve dhe krijimin e një mjedisi të përshtatshëm për inovacion duke sjellë një ambient të veçantë për zhvillimin e aftësive inovative dhe kreativitetin
Ky projekt financohet nga Bashkimi Evropian në kuadër të skemës së granteve”, theksoi Malaj.
