Në 80-vjetorin e nisjes së Luftës së Dytë Botërore, ish-ministri i Jashtëm Ditmir Bushati i është drejtuar me një mesazh të gjithë ndjekësve të tij në Facebook, duke theksuar se “përgjumja e arsyes, i hapi rrugën një kapitulli të errët të historisë europiane”.
I njohur për qëndrimin e tij kritik për mënyrën se si funksionojnë partitë shqiptare, Bushati shprehet se “mënyra më e mirë për të treguar mirënjohjen tonë për sakrificat e tyre është promovimi i tolerancës, dinjitetit njerëzor dhe mbrojtja e lirisë”.
“80 vjet më parë, përgjumja e arsyes, i hapi rrugën një kapitulli të errët të historisë europiane, shpërthimit të Luftës së Dytë Botërore. Një gjeneratë e tërë sakrifikoi për paqen duke treguar një guxim të jashtëzakonshëm në luftën për liri. Mënyra më e mirë për të treguar mirënjohjen tonë për sakrificat e tyre është promovimi i tolerancës, dinjitetit njerëzor dhe mbrojtja e lirisë”, shkruan Bushati. / tirananews.al
