Ish-presidenti grek Karolos Papulias, i cili shërbeu dy mandate midis 2005 dhe 2015, ndërroi jetë të dielën në moshën 92-vjeçare.
Përmes një postimi në rrjete sociale, ish-ministri i Jashtëm, Ditmir Bushati, ka shprehur ngushëllimet për vdekjen e Papulias duke theksuar se ai ishte njeriu e politikani që farkëtoi një miqësi të shëndetshme mes shqiptarëve dhe grekërve.
“Karolos Papulias një prej figurave më emblematike të jetës demokratike greke do të kujtohet me respekt për shkak të lidhjeve të tij të veçanta me shqiptarët, dhe si njeriu e politikani që farkëtoi një miqësi të shëndetshme mes dy popujve tanë, teksa shërbeu si Ministër i Jashtëm dhe më pas si President i Republikës Greke. #RIP”, shkruan Bushati.