Kreu i KQZ, Ilirjan Celibashi ka shkuar tek shkolla “1 Maji” ku ndodhi dhe përleshja e madhe fizike brenda saj.
Celibashi pasi ka takuar përfaqësuesen e PD, Pampurin dhe ata të PS, Qefalian dhe Kodhelin, ka bërë një deklaratë për mediat.
Kryekomisioneri Ilirjan Celibashi ka bërë me dije se pas sherrit janë shfuqizuar të gjithë akreditimet e vëzhguesve në KZAZ numër 30.
” Kemi shfuqizuar akreditimet e vëzhguesve dhe kemi dhënë akreditime për vëzhgues të tjerë. Kemi dhënë akreditime të reja për vëzhgues të ri nga një për 13 subjekt zgjedhor, dhe në këtë sallë nga ky moment do të jenë vëzhguesit e subjekteve, 13 të tillë, do jenë vëzhgues të organizatave jo fitimiprurëse, përfaqësues mediat dhe kandidatët, të gjithë vëzhguesit që kanë pasur akreditim deri më tani. Kemi autorizuar një pushim prej 4 orësh dhe konsultim dhe me kandidatët për deputet. Ishin në nevojën për ta pasur këtë pushim dhe nuk bënte sens që anëtarët e KZAZ të vazhdojnë se kishin që prej të premtes. Nuk i njohin, nuk ishin as anëtarë apo numërues. S’ka pasur probleme me punën e policisë”, tha Celibashi.